‘मनसँग मन’मा पल र पुजा



कोरोना महामारीको कारण भएको लकडाउन अगाडि नै छायांकन सुरु भएको फिल्म ‘मनसँग मन’को एक गीतको छायांकन काठमाण्डौमा गरिएको छ । बालाजु ल्याबमा सेट लगाएर ‘मेरो त भाग्य’ बोलको गीतको छायांकन गरिएको हो ।

गीतमा डेभिड शंकर र भावना राइको स्वर, दिपक शर्माको संगीत तथा विपिन किरणको शब्द छ । भिडियोमा फिल्मका मुख्य कलाकारहरु पुष्प खड्का, वर्षा सिवाकोटी, वुद्दि तामाङलाई फिचरिङ गरिएको छ भने पल शाह र नायिका पूजा शर्माको साथमा हाँस्य कलाकार रविन्द्र झा अतिथीको रुपमा देखिदैछन् ।

सौरभ इन्टरटेन्मेन्ट र बालाली प्रोडक्शनको प्रस्तुतिमा तयार भैरहेको फिल्ममा कैलाश राइको निर्देशन र अरुण तामाङको लगानी छ । सौरभ लामाले छायांकन गरिरहेका छन् भने अर्जुन जीसीको सम्पादन, सन्तोष खवासको एक्सन छ ।

अतिथी कलाकारको रुपमा काम गर्नुको कारण खुलाउँदै नायक पल शाहले भने–‘यो गीत पनि निकै राम्रो छ । साथमा, यतिबेला हामीले एक अर्कालाई सहयोग गर्ने बेला छ । यसैले पनि मैले काम गरेको हुँ । साथमा, चलचित्रको टिमसँग यसअघि पनि काम गरेकाले जोडिएको हुँ ।’ नायिका पूजा शर्माले पनि चलचित्रलाई केही मात्रामा भएपनि सहयोग पुगोस् भनेर आफू जोडिएको बताइन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu