फार्म हाउस खोल्दै दीपकराज, लगानी पाँच करोड



हास्य कलाकार तथा चलचित्र निर्माता दीपकराज गिरीले करोडौंको लगानीमा फार्म हाउस खोल्ने भएका छन् । ‘छक्का पञ्जा’ सिरिजको सफलतापछि आर्थिक रुपमा बलियो भएका उनले चन्द्रागिरी नगरपालिकामा फार्म हाउस खोल्न लागेका हुन् । पुर्खर्यौली १० रोपनी जग्गा, दाजुभाइहरुको सम्पत्ति र केही जग्गा किनेर आफूले फार्म हाउस खोल्न लागेको दीपकराजले बताए ।

फार्म हाउस निर्माणका लागि पाँच करोडसम्म लगानी लाग्ने उनको प्रारम्भिक अनुमान छ । फार्ममा ७/८ जनासम्म बस्न मिल्ने ३० वटा स–साना घर र सभा, सेमिनारलगायतका कार्यक्रम गर्नका लागि डेढ सय जनासम्म अट्ने सभाहल बनाइने उनले बताए । त्यसबाहेकको १ बिगाहा जग्गामा कृषि सम्बन्धि काम गरिनेछ । दीपकराज तीन महिनादेखि यही फार्मको काममा व्यस्त छन् ।

कोरोना भाइरसका कारण चलचित्र निर्माण गर्ने अवस्था नभएका कारण आफूले वैकल्पिक पेशा अपनाएको दीपकराज बताउँछन् । फार्मले एउटा आकार लिएपछि नयाँ चलचित्रको तयारीमा जुट्ने उनले बताए । फार्म हाउसमा सिर्जना हुने रोजगारीमा स्थानीयलाई विशेष प्राथमिकता दिने उनको भनाई छ । उनका अनुसार, फार्म हाउस निर्माणको काम सकिन २ वर्ष लाग्ने अनुमान गरिएको छ ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu