‘कृष्ण लीला’ मा दीपिकाको ठाउँमा श्रद्धा



दीपक ओलीले निर्देशन गर्न लागेको चलचित्र ‘कृष्ण लीला’ मा अभिनेत्री हेरफेर भएको छ । ‘लीला’ को भूमिकामा अनुबन्ध भएकी अभिनेत्री दीपिका प्रसाईंले स्वास्थ्यको कारण देखाउँदै चलचित्र गर्न असमर्थ भएपछि उनको ठाउँमा श्रद्धा क्षेत्री भित्रिएकी छन् । थाइराट र माइग्रेसनको समस्याले पीडित भएका कारण दीपिकाले चलचित्र गर्न नसकेको निर्माता रत्न श्रेष्ठले जानकारी दिए ।

चलचित्रमा दीपिकाको ठाउँमा भित्रिएकी श्रद्धा क्षेत्री लामो समयदेखि मुम्बईमा बसेर मोडलिङ गर्दै आएकी छन् । यो उनको डेब्यू चलचित्र भने होइन । यसअघि उनले अभिनेता पल शाहसँग चलचित्र ‘हृदयभरी’ मा काम गरेकी छन् । यो फिल्म प्रदर्शनको पखाईमा छ । ‘कृष्ण लीला’ मा भने उनले अभिनेता पुष्प खड्कासँग रोमान्स गर्नेछिन् । यो चलचित्रलाई लिएर उनी निकै उत्साहित छिन् ।

प्रेमकथामा आधारित हुने चलचित्रमा पुष्प र श्रद्धाका अलावा बुद्धि तामाङ, रविन्द्र झालगायतका कलाकारहरुको पनि अभिनय रहनेछ । सञ्चारकर्मी तथा निर्देशक लक्ष्मण सुवेदीको कथा, पटकथा तथा संवाद रहेको चलचित्रको छायाँकन मंसिर १५ गतेबाट सुरु हुनेछ । चलचित्रका प्रस्तुतकर्तामा रोहित कट्टेल हुन् । अर्जुन पोखरेलको संगीत रहने चलचित्रलाई शिव ढकालले खिच्नेछन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu