अब आर्यन र सृष्टिको जोडी



काठमाण्डौ। नायक आर्यन अधिकारी र नायिका सृष्टिले चलचित्रमा जोडी बाँध्ने भएका छन् । निर्देशक सबिर श्रेष्ठको चलचित्र ‘बाँध मायाले’मा यो जोडी देखिनेछ ।

यस चलचित्रको छायांकन यसै सातादेखि नवलपरासीबाट सुरु हुनेछ । ‘लामो तयारी पछि हामी सुटिङमा निस्किएका हौं’, निर्देशक श्रेष्ठले भने, ‘दर्शकले चाहे जस्तो चलचित्र बनाउँछु’ । यो चलचित्र पूर्ण रुपमा प्रेमकथामा आधारित रहने बताईएको छ ।

निर्देशक श्रेष्ठको काईट्स ईन्टरटेन्मेन्ट प्रा.लिको प्रस्तुती रहने ‘बाँध मायाले’मा निर्माताको रुपमा रामहरी धिताल र बिभिसीका श्रेष्ठ रहेका छन् । सह-निर्माताको रुपमा महेन्द्र अधिकारी र केदार प्रसाद धिताल छन् ।

बाबु श्रेष्ठको छायांकन रहने यस चलचित्रमा अर्जुन पोखरेलको संगीत रहनेछ । कोरियोग्राफी कविराज गहतराज र रामजी लामिछानेले गर्नेछन् । आर्यन र सृष्टिसँगै कलाकारहरु राजाराम पौडेल, विशाल चाम्लिङ लगायतको अभिनय रहनेछ । नव प्रस्तुतीको रुपमा किशोर खड्का रहेका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu