तिहारमा अनमोलको ‘कृ’ हेर्न नपाईने



काठमाण्डौ। अनमोल केसी स्टारर नेपाली चलचित्र ‘कृ’ अन्ततः तिहारमा पनि रिलिज नहुने भएको छ । यसअघि भाद्र ८ बाट सरेर यो चलचित्र तिहारको अवसर पारेर कात्तिक ३ गतेलाई प्रदर्शन मिति तोकिएको थियो तर, छायांकन नसकिएको कारण रिलिज मिति टरेको हो ।

चलचित्रको नयाँ रिलीज मिति भने खुलाईएको छैन । अन्तिम शुटिंग सेड्यूल मनाङ भएको र मौसमका कारण मनाङ जान सक्ने अवस्था तत्काल नभएकाले छायांकन स्थगित गर्नुपरेको बताईएको छ । सोहि कारण पनि ‘कृ’ तिहारमा आउन सम्भव नभएको हो । यो चलचित्रलाई धेरै लोकेशनमा खिचिएको छ । हाल धम्पुसमा छायांकन सकेर टीम काठमाण्डौ फर्किने तयारीमा छ ।

चलचित्रमा अनमोल केसी, अदिती बुढाथोकी र अनुप बिक्रम शाहीको प्रमूख भूमिका छ । सुवास गिरी र भूवन केसी निर्माता रहेको यो चलचित्रलाई सुरेन्द्र पौडेलले निर्देशन गरिरहेका छन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu