यूएइमा रुचाइयो ‘मेरी कुसुम’



जेठ २५ गतेबाट नेपालका सिनेमा हलहरुमा प्रदर्शन हुन लागेको मोहन बोगटी र हर्षिका श्रेष्ठ अभिनित चलचित्र ‘मेरी कुसुम’ अहिले यूएइका विभिन्न शहरमा प्रदर्शन भैरहेको छ ।

चलचित्रका नायक तथा निर्र्र्माता मोहन बोगटीका अनुसार, गत बिहिबार, शुक्रबार र शनिबार चलचित्रको भव्य प्रदर्शन अवुधाबीमा रहेको मुसाफा मार्केट र नेशनल सिनेमा, अल ऐन मलमा रहेको अल ऐन ग्रान्ड सिनेमामा ‘मेरी कुसुम’ प्रदर्शन गरिएको छ । हरेक हलमा बिहिबार एक शो, शुक्रबार २ र शनिबार १ शो आयोजना भएको थियो । यसबाहेक, दुबई, सार्जा, फुजेरा लगायतका सिटीमा अर्को हप्ता चलचित्र लाग्नेछ ।

चलचित्र हेर्नका लागि हरेक शोमा दर्शकको उत्साहजनक उपस्थिती रहेपछि कलाकार बोगटी दंग देखिएका छन् । उनले भने–‘अवुधाबी र अल ऐन सिटीमा हरेक शोमा दर्शकको उपस्थिती उत्साहजनक देखियो । उहाँहरुले चलचित्रको कथावस्तु, गीतसंगीतलाई निकै रुचाउनुभयो ।’

सुनिता शर्मा बोगटी निर्मात्री रहेको चलचित्रको लेखन तथा निर्देशन एन.आर घिमिरेले गरेका हुन्। प्रेम र युद्धको कथामा निर्माण भएको यो चलचित्रमा दिव्य सुवेदीको छायांकन र टंक वुढाथोकीको संगीत छ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu