भिडियो फिल्म बनायो भन्नेलाई बसन्तको जवाफ



samarpan-nepali-movie

ठुलोपर्दा डटकम, काठमाण्डौ।
फायर इन्टरप्राइजेजको व्यानरमा बनेको नेपाली फिल्म ‘समर्पण’को गीत तथा पोस्टर सार्वजनिक भएका छन् । राजधानीमा सोमबार आयोजित कार्यक्रममा रोजन रखालले निर्माण गरेको यो चलचित्रका प्रचार सामग्री सार्वजनिक गरिएको हो ।

फिल्मका निर्देशक बसन्त निरौलाले आफ्नो फिल्मलाई केहीले भिडियो फिल्म बनाएको आरोप लगाएकोमा आपत्ति जनाएका थिए । समर्पणले साथीभाईको बिषयमा कथा उठान गरेको निरौलाले बताए ।

उनले फिल्ममा नयाँ कलाकारहरु रहेपनि उनिहरुले राम्रो काम गरेको र फिल्मलाई बंगलादेशका बिभिन्न रमणिय स्थानमा छायांकन गरेको उल्लेख गरे ।

निर्माता रोजन रखालले राम्रो कथा भएकाले फिल्ममा आफुले लगानी गरेको बताए । आगामी पौष १५ गते रिलिज हुने फिल्ममा रोजन रखाल, रञ्जु शर्मा, प्रयास तामाङ, रुवी शर्मा, विश्वास लामा, अमृत शाही ठकुरी, आशा भुषाल, अनु पराजुली, बालकृष्ण बञ्जारा, दीपक थापा र कुमार श्रेष्ठको अभिनय छ ।

फिल्ममा रोजनलाई बंगलादेशी नागरिक इमरान सिद्धिकीले पनि निर्माणमा सघाएका छन् । विश्वास लामाको नृत्य, कुमार महर्जनको द्वन्द्व, टंक बुढाथोकीको संगीत, तारा थापा किम्भे र किरण अधिकारीको सम्पादन रहेको फिल्ममा दिव्य सुवेदीको छायांकन छ ।
फोटो: महेश्वरमान सिंह

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu