फागु सकेपछि हवल्दार सन्तलीलाई शिल्पाको साथ



Shilpa-pokherl-suntali

ठुलोपर्दा डटकम, काठमाण्डौ।
१२ बर्षपछि चलचित्र निर्माण गरेकी नायिका करिश्मा मानन्धरले निर्माण गरेको चलचित्र फागुको छायांकन सकाएर मंगलबार मात्र राजधानी आइपुगेकी नायिका शिल्पा पोखरेल हवल्दार सुन्तलीको प्रचारमा दौडिन थालेकी छिन् । हवल्दार सुन्तलीमा मुख्य भुमिका निधाएकी शिल्पा अब चलचित्र हवल्दार सुन्तली प्रदर्शनमा नआएसम्म कतै पनि नजाने बताएकी छिन् ।

आफ्ना लागी चलचित्र हवल्दार सुन्तली विषेश भएका कारण अब हवल्दार सुन्तलीको प्रचार प्रसारमा व्यापक तरिकाले अगाडी बढ्ने पनि उनले बताइन् । करिब १ महिना देखी नायिका शिल्पा पोखरेल विरगंज लगायतका स्थानमा चलचित्र फागुको छायांकनका लागी थिइन् । मंगलबार मात्र चलचित्र फागुको छायांकन सकिएपछि नायिका पोखरेल काठमाडौं आइपुगेकी हुन् । बिहिबार चलचित्र हवल्दार सुन्तलीका कार्यकारी निर्माता छबिराज ओझाले पत्रकार भेटघाट गदैं अब हवल्दार सुन्तलीको प्रचारलाई आक्रामक तरिकाले अगाडी बढाउने बताए ।

निर्माता ओझाले अब आफ्नो व्यानरबाट बन्ने प्रत्यक चलचित्रहरु नारी प्रधान रहने पनि घोषणा गरेका छन् । नायिका शिल्पा पोखरेलले पनि आफुले चलचित्रमा द्वन्द्वात्मक दृश्य गर्दा गाह्रो भएपनि आफूले त्यो काम सहजरुपमा गरेको अनुभव सुनाइन् । चैत २७ गते अरु २ चलचित्रसँग प्रदर्शनमा आउन लागेको चलचित्र हवल्दार सुन्तलीमा नायिका पोखरेलसगैं सविन श्रेष्ठ र किशोर खतिवडाको पनि मुख्य भुमिका रहेको छ । चलचित्रलाई छविराज ओझाले निर्माण गरेका हुन् भने ऋषि लामिछानेले निर्देशन गरेका हुन् ।

प्रतिक्रिया दिनुहोस्
About Thuloparda

Thuloparda Media Pvt. Ltd.

Reg No.: 160/073-74 (Suchana Vibhag, Nepal)

Publisher: Jiwan Kumar Parajuli

Editor: Subrat Raj Acharya

Phone: 9851194755

Address: Anamnagar, Kathmandu, Nepal

Email: [email protected]

All the photos & other materials, do not use or reproduce without authorized permission.

Designed by Appharu