ठुलोपर्दा डटकम, काठमाण्डौ ।
बसन्त निरौलाले निर्देशन गरेको चलचित्र आवेगको फष्टलुक पोष्टर रिलिज भएको छ । फष्टलुक पोष्टरमा चलचित्रका कुनै पनि कलाकार नदेखिएपनि सार्वजनिक फष्टलुट पोष्टरमा नायक आर्यन सिग्देलको हातको ‘लकेट’लाई देखाइएको छ ।
सार्वजनिक पोष्टरले चलचित्र कस्तो बनेको होला भन्ने कौतुहलता बढाउने सक्ने निर्माण पक्षले जनाएको छ । फिल्ममा आर्यन सिग्देल, पवित्रा आचार्य, अर्चना देलाल, ध्रुव दत्त, रमेश बुढाथोकी लगायतको अभिनय रहेको छ । फिल्मलाई सुर्य कार्कीको प्रस्तुतिमा राजेन्द्र घिमिरे र धन सिहं केसीले निर्माण गरेका छन् ।
यमन म्यूजिक र वी.एन फिल्मस्को ब्यानरमा एक्शनले भरिएको चलचित्र आवेगमा अष्ट महर्जनको एक्सन, पुरुषोत्तक प्रधानको छायांकन रहेको छ ।
