बारम्बार अमेरिकी टिभी स्टार केण्डल जेनरले पपस्टार जस्टिन बिबरसँग प्रेमसम्बन्ध लिएर धेरै चर्चा भए तर अमेरिकी टिभी स्टार केण्डल जेनरले जस्टिन सगँ कुनै पनि प्रकारको प्रेमसम्बन्ध नभएको बताएकी छिन् ।
१९ वर्षिया जेनर र २० वर्षिय बिबरलाई धेरै ठाउँमा सँगै देखेपछि उनीहरुको प्रेम सम्बन्ध रहेको शंका गरिएको थियो । जेनरले बिबर आफ्नो मिल्ने साथी मात्र भएको र परिवार सदस्यले पनि उनलाई मन पराउने गरेको बताइन् । प्रेम भन्दा आफू करिअरमा बढी केन्द्रीत भएको जेनरको भनाइ छ ।
अर्की गायिका सेलेना गामेजसँग प्रेम सम्बन्ध टुटेपछि बेबी गायक जस्टिन अहिले एक्लो छन् । केही दिन अघि गामेजले रुँदै जस्टिनका लागि भिडियो बनाएकी थिइन् ।