ठुलोपर्दा डटकम, काठमाण्डौ ।
यसै साता रिलिज हुने चलचित्र ‘एउटा साथी’को नयाँ गीत रिलिज भएको छ । ‘भटभटे’ बोलको उक्त गीतमा चलचित्रका सबै कलाकारहरु देखिएका छन् । सलोन बस्नेत, अनु शाह, रिश्ता बस्नेत, जोन तामाङ, करिष्मा श्रेष्ठ, शिशिर भण्डारी लगायतको अभिनय रहेको चलचित्र एउटा साथी रोमान्टीक प्रेमकथामा आधारित रहेको बताईएको छ ।
चलचित्रमा रामचन्द्र खनालको लगानी, टंक बुढाथोकीको संगीत, रामजी लामिछाने र गम्भीर विष्टको नृत्य, राजेन्द्र खड्गीको द्वन्द्व र सुमन तण्डुकार तथा गणेशकुमार श्रेष्ठको छायांकन छ । चलचित्र शुसिल पंगेनीले लेखेका हुन् । एउटा साथीलाई वुधबार सेन्सर बोर्डले युनिभर्सल सर्टिफिकेट दिएको छ ।
भिडियो हेर्नुहोस्: