रणविरको बेशरम बुधवार आउने

ठुलोपर्दा डटकम, काठमाण्डौ। सधैजसो वलिउडका चलचित्रहरु शुक्रवार रिलिज हुने गर्थे । तर हिमान्शु मिश्र र संजिव गुप्ताको निर्माणमा रिलायन्स इन्टरटेन्मेन्टको ब्यानरमा निर्मित बहुप्रतिक्षित चलचित्र ‘बेशरम’ बुधवारका दिन रिलिज हुने भएको छ । गान्धी जयन्तीको अवसर पारेर उक्त चलचित्र निर्माण युनिटले यही अक्टुबर २ तारिखका दिन बुधवार रिलिज हुने भएको छ ।

प्रसंगवश यो चलचित्र नायक रणवीर कपुरको मध्य–हप्तामा रिलिज हुने पहिलो विश्वव्यापी चलचित्र बनेको छ । चलचित्रका निर्देशक अभिनाब कश्यपले भने , ‘ यो चलचित्र हामीले बुधवारका दिन रिलिज गर्नुको कारण रणवीरको करिअरलाई पनि अघि बढाउनु हो । ’

अभिनेत्रीको भुमिकामा पल्लबी शारदा रहेकी यस चलचित्रमा पहिलोपटक रणवीर कपुरका पिता रिशी र माता नितु पनि देखिदैछिन् । एकैपरिवारका तीनजना कलाकार अभिनित यो चलचित्र हेर्न अब अक्टुबर २ पर्खिने होइन त ?