ठुलोपर्दा डटकम, काठमाण्डौ ।
१२ वर्षपछि निर्देशनमा फर्किएका निर्देशक शम्भु प्रधानद्वारा निर्देशित चलचित्र ‘रंग बैजनी’ को शिर्ष गीत सार्वजनिक भएको छ । गीतमा चलचित्रका मुख्य कलाकारहरु सुमिना घिमिरे, गरिमा पन्त र नवनायक दिक्पाल कार्कीसँगै देखाइएका छन् ।
दीप प्रधान र शितल मोक्तानको स्वर रहेको यस गीतमा दीप आफैले संगीत दिएका छन् । चलचित्रका लेखक नुतन प्रधान आफैले गीतमा कोरियोग्राफी गरेका छन् । गीतलाई नाम अनुसारनै भिडियो निर्देशन भएको छ । भिडियोमा देखिने कलाकारहरुको पहिरनको रङले पनि ‘रंङ बैजनी’ लाई प्रष्टाउन खोजिएको छ ।
यस चलचित्रका दुईवटा गीत यसअघि नै सार्वजनिक भइसकेका छन् । शम्भुका छोरा शशांक प्रधानले खिचेका यस चलचित्रलाई मित्र डि. गुरुङले सम्पादन गरेका छन् । चलचित्र यही मंसिर १९ देखि देशभर प्रदर्शन हुँदैछ ।
भिडियो हेर्नुहोस्ः