ठुलोपर्दा डटकम, काठमाण्डौ ।
अभिनेत्री पूजना स्त्रीको निर्माणमा बन्न लागेको चलचित्र ‘चकलेट’को औपचारिक रुपमा निर्माण घोषणा भएको छ । मंगलबार राजधानीमा आयोजित एक कार्यक्रमका बीच चलचित्र निर्माणको औपचारिक घोषणा गरियो । चलचित्रलाई हाँस्य कलाकार निर्मल शर्माले निर्देशन गर्दैछन् ।
पुजनाकै होम प्रोडक्सनमा बन्न लागेको चलचित्र ‘चक्लेट’मा खुशी गुरुङ, प्रीतिमाया गुरुङ र केशव तामाङको पनि लगानी रहने छ । सडक वालवालिकाहरुको कहानी समेटेर तयार हुन लागेको यो चलचित्रको कथा पनि चलचित्रको कथा पनि अभिनेत्री पुजनाकै हो ।
चलचित्रमा पुजनासँगै आयुष्मान घिमिरे, मनोज शाक्य, नम्रता झा, केशव भट्टराई लगायतका कलाकारहरुको अभिनय रहनेछ । चलचित्र ‘चकलेट’ आउँदो भदौ १३ बाट फ्लोरमा जाने निर्माण युनिटले बताएको छ ।