ठुलोपर्दा डटकम, काठमाण्डौ ।
चलचित्र ‘बिर्खेलाई चिन्छस् ?’ को नयाँ गीत सार्वजनिक भएको छ । साधारणताको मूल्यलाई चिनाईएको बताईएको यो चलचित्रको ‘के भयो’ बोलको गीत सार्वजनिक गरिएको हो । यस गीतमा मोहित मुनाल र प्राश्ना शाक्यको स्वर तथा अराज केशवको रचना र मोहित मुनालको संगीत रहेको छ ।
यो चलचित्र भाद्र २० गते रिलिज हुँदैछ । एउटा साधारण मानिसको प्रतिनिधी पात्रको रुपमा अभिनय गरेका सुवास थापा आँफैले निर्माण गरेको चलचित्रलाई अराज केशवले निर्देशन गरेका छन् ।
चलचित्रमा सुवास थापा, आयुषा राई, बिनिता खड्का, सुरेश उप्रेती लगाएतका कलाकारहरुको अभिनय रहेको छ ।