ठुलोपर्दा डटकम, काठमाण्डौ ।
मायालुलाई सम्झिन तर नरुन आग्रह गर्दै अन्ततः यो गीतका गायक तथा संगीतकार सरोज गोपाल बज्राचार्यले यो धर्तीबाट विश्राम लिएका छन् । लामो समयदेखी ‘सुगर’ रोगवाट ग्रसित बज्राचार्यको विहिवार पोखरा–१, बगरस्थित आफ्नै घरमा निधन भएको हो ।
६४ बर्षिय सरोजगोपालले ४० भन्दा धेरै गाएका छन् । सुमधुर स्वरका धनी गायक बज्राचार्य वुधवार रातीसम्म कुनै ठुलो स्वास्थ्य समस्या नदेखिए पनि राती अचेत बनेपछी पुनःहोस् खुलेन र यो संसारबाट विदा भए । उनका सबै गीत रेडियो नेपालमा छन् ।
उनका एक छोरा र एक छोरी छन् । बज्राचार्यकी श्रीमती बाबा राणा पनि गायिका हुन् । उनले पोखराका सञ्चारमाध्यमा समेत काम गरेका थिए ।
‘नक्कलीलाई भगाई लग्यो झिल्केले’, ‘देउराली उकाली चढेर’, ‘मायालुको मोहनी बोली’, ‘दाईको घर कहाँ हो कहाँ’ लगायतका चर्चित लोकगीतबाट उनले श्रोताको मन जितेका थिए ।