शुभेच्छालाई एक्लै बनाएर जिउन सक्दैनन् अशोक (भिडियो)

ठुलोपर्दा डटकम, काठमाण्डौ ।
एक्सन प्रधान नेपाली चलचित्र ‘टाईगर द रियल हिरो’को नयाँ गीत सार्वजनिक भएको छ । शिव परियारको स्वर तथा अर्जुन पोखरेलको संगीतमा रहेको ‘तिमीलाई दुखी बनाएर …’ बोलको यस गीतमा नायक अशोक फुयाल र नायिका शुभेच्छा थापा देखिएका छन् ।

राजु गिरी निर्देशित यो चलचित्र दशैँको समयमा रिलिज गरिने बताईएको छ । शुभेच्छा इन्टरटेन्मेन्टको ब्यानरमा बनेको यो चलचित्रमा नायिका शुभेच्छा थापा सहित सुरज रानाभाट, दिपक कंडेल, अशोक फुयाल, समिक्षा अर्याल, उत्तम केसी लगायतका कलाकारहरुको अभिनय गरेका छन् ।

चलचित्र ‘टाइगर द रियल हिरो’को कथा निर्देशक गिरीको नै हो । चलचित्रमा संगीत अर्जुन पोखरेलको रहेको छ भने रोशन श्रेष्ठको द्धन्द र रामजी लामिछानेको नृत्य निर्देशन रहेको छ । चलचित्रलाई मुकेश हुमागाईले छायांकन गरेका हुन् ।