अक्षय कुमारकी श्रीमती बन्दै जैकलिन

‘किक’ जस्तो ठुलो चलचित्रमा काम गरेपछि जैकलीन फर्नान्डीजको लागि अवसर आईरहेका छन् । सुत्रले बताएअनुसार २०११ मा आएको हलिउड फिल्म ‘वारियर’को हिन्दी रीमेकमा उनको नाम तय भईसकेको छ । यो चलचित्रलाई करन जौहरको ब्यानर धर्मा प्रोडक्शनले बनाउँदैछ ।

यो चलचित्रमा दुई दाजुभाईको भूमिकामा अक्षय कुमार र सिद्धार्थ मल्होत्रा तय भइसकेका थिए । एक फिमेल रोलको लागि अभिनेत्रीको खोजी भईरहेको थियो ।

चलचित्रमा जैकलिन अक्षय कुमारकी श्रीमतीको रुपमा देखिने बताईएको छ । कथामा श्रीमतीको जिन्दगीमा आउने चुनौती देखाईनेछ, जसका पति अध्यापन छोडेर किक बक्सिङ्मा लाग्छन् ।