नेपाली कलाकार सुनिल थापाको मुख्य भूमिका रहेको बलिउडको बहुप्रतिक्षित चलचित्र ‘मेरी कोम’को ट्रेलर सार्वजनिक भएको छ । सार्वजनिक ट्रेलरमा सुनिल थापा र नायिका प्रियंका चोपडाको मुख्य भूमिका देख्न सकिन्छ ।
भारतकी चर्चित बक्सर मेरी कोमको जीवनीमा आधारित यो बायोपिक सिनेमामा सुनिल थापा नायिका चोपडाको गुरुको भूमिकामा देखिएका छन् । करिब साढे २ मिनेट लामो ट्रेलरमा उनको भूमिका शक्तिशाली देखाइएको छ । भन्साली ब्यानरमा निर्माण भएको यो सिनेमा सेप्टेम्बर महिनामा प्रदर्शनमा आउँदैछ ।