ठुलोपर्दा डटकम, टेक्सास ।
अमेरिकामा क्रियाशिल नेपाली समाज टेक्सासको सहभागिता तथा NamateUS.com Online Television को आयोजनामा टेक्सासमा “समर धमाका-२०१४” हुने भएको छ । जुलाई १८ तारिख शुक्रवार हुने कन्सर्टमा चर्चित गायक राजेश पायल राईसँगै ‘पवनकली’ले प्रस्तुती दिनेछन् ।
विगत ३ वर्ष देखि निरन्तर अमेरिकाको डल्लास तथा वरपरका नेपालीहरूद्वारा आयोजित कार्यक्रममा उपस्थिति जनाइसकेको यो आयोजक संस्थाले बिभिन्न समयमा त्यहाँ रहेर विभिन्न कार्यक्रम गर्दै आएको छ । यस कार्यक्रममा पनि नेपाली कला संस्कृतिको जगेर्ना गर्दै बिशुद्ध नेपाली मन र पनले गाउने गायकको प्रस्तुति रहने कुरा नमस्ते युएस डटकमका सञ्चालक विकास राज न्यौपानेले बताए ।
“समर धमाका-२०१४”अर्भिंग मलमा हुनेछ । जसको लागी २० युएस डलर शुल्क निर्धारण गरिएको छ ।