ठुलोपर्दा डटकम, काठमाण्डौ ।
फिल्म मेकिङ् र निर्देशनमा रुचि राख्ने संयम पुरी नेपाली चलचित्रला हटकेक हुन् । आफ्नै पिता नारायण पुरीले निर्देशन गरेको चलचित्र आगोबाट कलाकारिता सुरु गरेका संयमले आफ्नो मान्छे, दोमन, आफ्नो घर आफ्नै मान्छे, मेरो हजुर, कर्तव्य, मन मेरो मान्दैन, हामी तीन भाई, धर्मपुत्र र अल्पविराममा बाल कलाकारको रुपमा देखिएका थिए । सुनिल रावलको सायद बाट लिड रोलमा प्रवेश गरेका संयम यतिबेला पुण्टे परेडबाट चर्चामा छन् ।
लिड रोलमा पुण्टे परेड दोश्रो चलचित्र हो । चलचित्रको प्रोमो तथा पोष्टरमा विभिन्न रुपमा देखिएका संयमले सायदबाट कमाएको ख्यातिलाई थप गर्ने शिलशिलामा छन् । सुवास कोइराला निर्देशित यो चलचित्रमा संयम सहित नयाँ कलाकार एन्जिला दाहाल अपोजिट क्यारेक्टर (पुन्टी) को रुपमा देखिने छिन् ।
ब्लोका जोनी दीप साथै रकस्टारका रणवीर कपूर जस्तै आफुलाई दह्रो तुल्याउने सपना बोकेका संयमलाई पुण्टे परेडले गतिलै साथ दिने बिश्वास लिएका छन् । चौध चलचित्रमा काम गरिसकेका संयम आँफैमा प्लस टु भर्खर सकेका विद्यार्थी हुन् । पुन्टे परेड पनि यहि जेनेरेशनको कथा बोल्ने बताईन्छ, जसका कारण संयमको लोकप्रियता बढ्ने देखिन्छ ।
पुन्टे परेड श्रावण २ गते बाट प्रदर्शनमा आउँदैछ । फिल्म भित्र संयम चुलबुले पात्रको रुपमा देखिएका छन् । यस अघि अपवाद सोसल ड्रामा तथा आवरण सस्पेन्स र थ्रिलर फिल्म निर्देशन गरिसकेका कोइरालाले यसमा भने विशुद्ध मनोरञ्जन पस्केको बताउँछन् । कमेडी फिल्म पुन्टे परेड हेरे पछि दर्शकले आफ्नो टिनएज सम्झने निर्देशक कोइरालाको भनाइ छ । संयम र एन्जिला बाहेक चलचित्रमा निलु डोमा शेर्पा, रबिन्द्र खड्का, गीता अधिकारी, स्वेता थापाको अभिनय रहेको छ भने बिशेष भूमिकामा प्रियंका कार्की पनि देखिदै छिन ।