काठमाडौं – चलचित्र ‘मोहर’ निर्माण टोलीले आफ्नो आगामी प्रोजेक्ट चलचित्र ‘ढुकढुकी’को घोषणा गरेको छ । नववर्ष २०८२ को शुभ अवसर पारेर घोषणा गरिएको यो चलचित्र ओम प्रतीकको लेखन र निर्देशनमा बन्नेछ । फिल्ममेकर प्रा.लि.को ब्यानरमा निर्माण हुने यो चलचित्र चुम्बन जङ्ग शाहीले निर्माण गर्नेछन् ।
यसअघि पनि ‘ढुकढुकी’ नाममा चलचित्र निर्माण भइसकेको छ, जसमा ओम प्रतिकले पटकथा र संवाद लेखेका थिए । तर, यस पटक उनले आफ्नै निर्देशनमा ‘ढुकढुकी’ लाई नयाँ रूपमा दर्शकमाझ ल्याउने भएका हुन् ।
यसको छायाङ्कन तिहारपछि सुरु हुने जानकारी दिइएको छ । यसअघि ओम प्रतीकको निर्देशन र चुम्बन जङ्ग शाहीको निर्माणमा बनेको चलचित्र ‘मोहर’ साउन २३ गतेबाट प्रदर्शनमा आउँदै छ ।