काठमाडौं – लोकप्रिय गायक सुशान्त केसीको पहिलो चलचित्र गीत ‘पागल’ सार्वजनिक भएको छ । यो गीत चलचित्र ‘कर्मा’को लागि तयार पारिएको हो । यस गीतमा सुशान्त केसीको स्वर, शब्द र सङ्गीत रहेको छ ।
गीतको भिडियोमा चलचित्रका मुख्य कलाकार विपिन कार्की र उपासना सिंह ठकुरी फिचर भएका छन् । भिडियोमा सुशान्त केसीलाई पनि देख्न सकिन्छ । गीतको भिडियोमा चलचित्रको दृश्यहरू पनि प्रयोग गरिएको छ ।
यो गीतले विपिन कार्कीको पात्रले उपासना सिंह ठकुरीलाई देखेर प्रेममा पागल भएको क्षणलाई चित्रण गर्दछ । यो गीत सुशान्त केसीको आफ्नै शैलीमा रहेको छ, जुन युवा पुस्तालाई मन पर्ने अपेक्षा गरिएको छ ।
चलचित्र ‘कर्मा’ आगामी चैत २९ गते नेपाल र विदेशमा एकसाथ प्रदर्शन हुनेछ । यो चलचित्रमा विपिन कार्की र उपासना सिंह ठकुरीको मुख्य भूमिका रहेको छ । यसका साथै मुकुन भुसाल, दिव्य देव, सरिता गिरी, बेन बस्नेत, सुज्यान सिलवाल, अनिल बुढाथोकी र निर्मल शर्माको पनि अभिनय रहेको छ ।
यो चलचित्र एक्सन, ड्रामा र सस्पेन्स जनरामा निर्माण गरिएको हो । चलचित्रको कथा निर्देशक सौरभ चौधरीले लेखेका हुन् ।
यसअघि सुशान्त केसीले चलचित्रका लागि गीत गाएका थिएनन् । यस गीतलाई दर्शकले रुचाएका छन् ।
गीत हेर्नुहोस्: