ठुलोपर्दा डटकम, काठमाण्डौ ।
एभरेष्ट सुर्य बोहरा निर्देशित चलचित्र ‘ठूली’को आईटम गीत सार्वजनिक भएको छ । बिहिबार सार्वजनिक गीतमा गरिमा पन्त आईटम गर्ल बनेकी छिन् भने जिवन लुईँटेलले साथ दिएका छन् । यो चलचित्रलाई नारीहरुको चाड तीजको छेकोमा प्रदर्शनमा ल्याउने तयारी छ ।
चलचित्रले नेपाली समाजमा विद्यमान महिलामाथीको दमन र आत्याचारको विरुद्ध नारी आवाज सशक्त हुनुपर्ने प्रकारको कथा बोलेको निर्देशक बोहरा बताउँछन् । यो चलचित्रमा लगानी भने अमेरिकामा बस्दै आएका पुष्कर पन्तको छ । चलचित्रका कार्यकारी निर्माता सुनिल बस्नेत हुन् ।
‘ठूली’मा जिवन लुईँटेल, गरिमा पन्त, विशाल पहाडी, निला बस्नेतको साथमा बाल कलाकार कञ्चन ठकुरीको अभिनय रहेको छ । यो चलचित्रलाई शेर बहादुर लामाले खिचेका छन् भने संगीत बसन्त सापकोटाको रहेको छ । द्वन्द्व निर्देशन सुरेन्द्र शाहले गरेको यो चलचित्रमा नृत्य बसन्त श्रेष्ठको रहेको छ ।
भिडियो हेर्नुहोस्ः