काठमाडौं – गायक कृष्ण कार्कीले ‘जुनेली रात’ सार्वजनिक गरेका छन् । यसअघि ‘घरबार’ गीतबाट चर्चामा आएका कृष्णले यो गीतबाट पनि दर्शक तथा श्रोताको मन जित्ने आशा व्यक्त गरेका छन् ।
गीतमा सन्दीप कार्कीको शब्द र सुन्दर मगरको सङ्गीत रहेको छ । गीतमा एक युवकले आफूले मन पराएको युवतीप्रतिको भावना व्यक्त गरेको छ । गीतको भिडियोमा सन्दीप बाबु लोहनी र समिया कार्कीले अभिनय गरेका छन् । भिडियोमा समियालाई देखेर लोभिएका सन्दीपको प्रेम भावलाई प्रस्तुत गरिएको छ ।
राजीव समरको कोरियोग्राफी र निर्देशन रहेको भिडियोलाई रामकुमार केसी र सङ्कल्प भुजेलले छायाङ्कन गरेका हुन् । सुप्रिम पराजुलीले रङ्ग संयोजन र विवेक सुनारले सम्पादन गरेका हुन् ।
गीत:
