
काठमाडौं – नेपाल सरकारका निजामती सेवाका अधिकृत श्याम राउतले आफ्नो प्रेमिल गीत सार्वजनिक गरेका छन् । ‘फूलको रङ्ग’ बोलको यो गीतमा उनलाई गायिका मिरा राउतले स्वरमा साथ दिएकी छिन् । अर्जुन पोखरेलको संगीत र दयाराम पाण्डेको शब्द रहेको यो गीतले श्रोताहरूको मन जित्ने विश्वास गरिएको छ ।
गीतको भिडियोमा मोडल प्रभात पल ठकुरी र उषा उप्रेतीको रोमान्टिक अभिनय देख्न सकिन्छ । भिडियोलाई निर्देशक विक्रम स्वारले निर्देशन गरेका छन् भने उत्सव दाहालको छायाङ्कन र प्रवीण भट्टको सम्पादन रहेको छ ।
भारतको इलाहाबादबाट शास्त्रीय सङ्गीतको प्रशिक्षण लिएका गायक राउतले लामो समयदेखिको आफ्नो साङ्गीतिक चाहनालाई यो गीत मार्फत साकार पारेको बताएका छन् । “कामको व्यस्तताले गर्दा गीत ल्याउन ढिलाइ भयो, तर अहिले श्रोताहरूले यसलाई मन पराइदिनुहुनेछ भन्ने आशा छ,” राउतले भने ।
भिडियो: