म्युजिक भिडियो ‘आउँदा जाँदा’मा गाउँमा पहिलो पटक बस पुग्दाको खुसीयाली



काठमाडौं – म्युजिक भिडियोमा मौलिकता खोज्ने निर्देशक सागर ज्ञवालीको निर्देशनमा बनेको नयाँ गीत ‘आउँदा जाँदा’ सार्वजनिक भएको छ । राजन न्यौपानेको शब्द, सङ्गीत र स्वर रहेको यो गीतको भिडियोमा अभिनेता मुकुन भुसाल, भावना उप्रेती र लिन ओली फिचर्ड छन् ।

विकट गाउँमा सडक निर्माण भएपछि पहिलो पटक बस पुग्दा गाउँमा देखिएको खुसीयालीलाई निर्देशक ज्ञवालीले आफ्नो भिडियोमा उतारेका छन् । सोही खुसीयाली मनाउने क्रममा गाउँकी युवती र बस चालकबीच बसेको प्रेमलाई भिडियोको मूल कथा बनाइएको छ । भिडियोमा मौलिक नेपाली परिवेशलाई आकर्षक रूपमा प्रस्तुत गरिएको छ । हालै मात्र निर्देशक ज्ञवाली कार्यकारी निर्माता रहेको  गायक रामकृष्ण ढकालले निर्माण गर्ने चलचित्र ‘मालती मङ्गले’ घोषणा गरिएको थियो ।

सार्वजनिक म्युजिक भिडियोमा राजीव समरको कोरियोग्राफी रहेको भिडियोको छायाङ्कन नारायण जिसीले गरेका हुन् भने सम्पादन अमृत चापागाईँले गरेका छन् । म्युजिक नेपालको प्रस्तुति रहेको ‘आउँदा जाँदा’ गीतको भिडियोले दर्शकको मन जित्ने विश्वास गरिएको छ ।

भिडियो:

प्रतिक्रिया दिनुहोस्
About Thuloparda
Thuloparda.com

Press Council Nepal Reg No.: 22

DOIB Reg No.: 160/073-74

Publisher: Jiwan Kumar Parajuli

Editor: Subrat Raj Acharya

Phone: 9851194755

Email: thuloparda@gmail.com

Address: Anamnagar, 29, Kathmandu

Designed by Appharu