काठमाडौं – फागुन २ गते रिलिज हुने नेपाली चलचित्र ‘दुःखी आत्मा’को पहिलो गीत ‘जुनी जुनी भरीलाई’ सार्वजनिक भएको छ । केतन क्षेत्री र मुना ठटालको आवाजमा रहेको यो गीत ईश्वर कार्कीको शब्द तथा सङ्गीतमा तयार भएको हो ।
भक्तपुर दरबार स्क्वायरमा छायाङ्कन गरिएको यो गीतको भिडियोमा नायक दयाहाङ राई र नायिका आँचल शर्माको रोमान्टिक जोडीलाई देख्न सकिन्छ । यसमा रामजी लामिछानेको कोरियोग्राफी र आलोक शुक्लाको छायाङ्कन रहेको छ ।
पछिल्लो समय चलचित्रको टिजरमा जुनार शब्द निकै चर्चित भएको हुँदा यो गीतमा पनि जुनारको प्रयोग गरिएको छ । कोरियोग्राफरले जुनारलाई रोचक ढङ्गले प्रस्तुत गरेका छन् ।
दीपेन्द्र लामाको लेखन तथा निर्देशनमा बनेको यो चलचित्रले यौनमा कमजोर रहेको एक पुरुषको कथा भन्छ । रमाइलो शैलीमा गम्भीर विषयवस्तु उठान गरिएको यो फिल्ममा दया र आँचलसँगै अनुप विक्रम शाही, बुद्धि तामाङ लगायतका कलाकारको अभिनय छ ।
हिमाल कडरियाको लगानी रहेको यो फिल्मलाई क्लक वर्क क्रियशनको ब्यानरमा निर्माण गरिएको हो ।
गीत:
