काठमाडौं – चर्चित नेपाली अभिनेत्री दिया पुनले पर्यटन व्यवसायी रुक्मान लामासँग विवाह गरेकी छन् । आइतबार चितवनको भरतपुरमा भव्यताका साथ आयोजित विवाह समारोहमा तामाङ परम्पराअनुसार उनीहरूले वैवाहिक जीवनको सुरुवात गरेका हुन् ।
दिया र रुक्मानले इन्स्टाग्राममा विवाहको खुसी सामाजिक सञ्जालमा साटेका छन् । इन्स्टाग्राममा सार्वजनिक फोटोमा मेहेन्दी लगाएको हात एक अर्कामा बाँधेर रुक्मानले ‘रुक्मान वेड्स दिया’ लेखेको तस्बिर र तामाङ पहिरनमा सजिएर विवाह मण्डपमा बसेका छन् ।
दिया र रुक्मानबीचको प्रेम सम्बन्ध तीन वर्ष लामो रहेको बताइएको छ । आउँदो फागुन १ गते दियाले पोखरामा आफ्ना साथीभाइ र फिल्मकर्मीहरूका लागि विवाह पार्टी आयोजना गर्ने बुझिएको छ ।
‘वीर विक्रम’बाट फिल्म अभिनय सुरु दियाले मिस्टर झोले, मन्त्र, अन्तिम संस्कार र दयारानीमा अभिनय गरेकी छन् भने उनी अभिनित ‘एक्लो’ रिलिजको तयारीमा छ ।
