काठमाडौं – २०७२ सालको सुपर हिट चलचित्र ‘रेशम फिलिली’को सिक्वेल चलचित्र ‘फेरी रेशम फिलिली’ रिलिज नजिक आएको छ । दश वर्षपछि आउन लागेको यो चलचित्रको सिक्वेलले पहिलो भागमा दर्शकको मन जितेको ‘जालमा’ गीतको पनि सिक्वेल तयारी गरेको छ ।
चलचित्रको निर्माण पक्षले सार्वजनिक गरेको ‘फेरि जालमा’ गीतको फोटोले दर्शकलाई पुरानो याद दिलाएको छ । पोस्टरमा मुख्य कलाकार विनय श्रेष्ठ र सुपुष्पा भट्टलाई रोमान्टिक अवतारमा देख्न सकिन्छ । पहिलो भागकै जस्तै यो गीतमा पनि कालीप्रसाद बास्कोटाको सङ्गीत र मानस राजको शब्द रहेको छ । गायनमा काली र सोमिया बराइलीले आवाज दिएका छन् ।
‘फेरी रेशम फिलिली’मा पुरानो टिमको साथमा केही नयाँ अनुहार पनि देख्न पाइनेछ । निर्देशक निरोज महर्जनले चलचित्रलाई अझै भव्य बनाउने प्रयास गरेको बताएका छन् । चलचित्रमा विनय श्रेष्ठ, सुपुष्पा भट्ट, नीर शाह, कामेश्वर चौरासिया, प्रकाश घिमिरे लगायतका कलाकारको अभिनय रहेको छ ।
यो चलचित्र फागुन १४ गते रिलिज हुनेछ ।
