काठमाडौं – आगामी माघ २५ गते रिलिज हुने हरर नेपाली चलचित्र ‘ममी’को ट्रेलर सार्वजनिक भएको छ । ट्रेलरले दर्शकलाई एक रहस्यमयी र डरलाग्दो संसारमा लैजान्छ ।
प्रियङ्का कार्की र सुलक्षण भारतीको मुख्य भूमिका रहेको यस चलचित्रको ट्रेलरमा कालो बिरालो, भूतका आकृतिहरू र अलौकिक घटनाहरूलाई डरलाग्दो तरिकाले प्रस्तुत गरिएको छ ।
समर निरौलाको लेखन र निर्देशनमा बनेको यो चलचित्रमा दिया मास्के, समीप निरौला, घनश्याम जोशी लगायतका कलाकारहरूको पनि अभिनय रहेको छ । लोक राज जोशी र पूर्णिमा जोशी निर्माता रहेको यो चलचित्रलाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्नेछ ।
ट्रेलर:
