काठमाडौं – फागुन १४ गते रिलिज हुन लागेको नेपाली चलचित्र ‘मायावी’को नयाँ गीत ‘सितारा जडेको’ सार्वजनिक गरिएको छ । गीतमा दीक्षित पौडेल र समिरा थपलियाको स्वर, शम्भुजित बास्कोटाको सङ्गीत र दयाराम पाण्डे तथा दिवाकर भट्टराईको शब्द रहेको छ ।
बिहेको बिदाइको पललाई मार्मिक रूपमा चित्रण गरिएको गीतको भिडियोमा पल शाह, दीपिका प्रसाईँ, समिम खान लगायतका कलाकारहरूको अभिनय रहेको छ ।
दिवाकर भट्टराईको लेखन तथा निर्देशनमा बनेको यो चलचित्रमा लक्ष्मी गिरी, अंशु महर्जन, रवि डङ्गोल लगायतका कलाकारहरूको पनि अभिनय रहेको छ । ध्रुव न्यौपाने, राज कटुवाल र चन्द्र पन्तको लगानी रहेको यो चलचित्रमा मञ्जु भण्डारी, राजु पराजुली र सुमिन ओली सह–निर्माताको रूपमा छन् ।
भिडियो:
