काठमाडौं – रियालिटी शो ‘नेपहपको श्रीपेच’ सिजन २ का विजेता योङ्ग वेभले आफ्नो नयाँ गीत ‘बेबी’ सार्वजनिक गरेका छन् ।
योङ्ग वेभको यो गीतमा ‘जेन’ले प्रोडक्सन, मिक्स र मास्टरिङ गरेका छन् भने भिडियोलाई ‘घिसिङ२१’ले निर्माण गरेका हुन् । गीतको शब्द र सङ्गीतले युवा पुस्तालाई झनै बढी आकर्षित गरेको छ ।
यसअघि योङ्ग वेभले नवाज अन्सारीसँगको सहकार्यमा ‘ताकिया’ बोलको गीत पनि सार्वजनिक गरिसकेका छन् । आगामी दिनमा पनि उनी सबै उमेर समूहका श्रोतालाई मन पर्ने गीतहरू सार्वजनिक गर्ने योजनामा छन् ।
नेपहपको श्रीपेचका संस्थापक तथा प्रोजेक्ट हेड सुदीप पोखरेलले योङ्ग वेभको प्रगतिप्रति खुसी व्यक्त गर्दै भने, “योङ्ग वेभले कार्यक्रम भित्र मात्र नभई बाहिर पनि आफ्नो प्रतिभा देखाइरहेका छन् । उनको यो सफलताले नेपाली हिप-हप क्षेत्रलाई नयाँ उचाइमा पुर्याउनेछ।”
भिडियो:
