काठमाडौं – आगामी फागुन २ गतेबाट रिलिज हुने नेपाली चलचित्र ‘रङ्गी’को दोस्रो गीत ‘तिम्रै संसारमा’ सार्वजनिक भएको छ । भीम बिसीको शब्द रचना र सङ्गीत रहेको गीतमा भीम बिसी र रजज्ञा श्रेष्ठको स्वर रहेको छ ।
यसको भिडियोमा चलचित्रका मुख्य कलाकारहरू सलोन बस्नेत, नम्रता श्रेष्ठ, आयुषी ढकाल र सुमिन गुरुङलाई देख्न सकिन्छ । उनीहरूको अभिनयले बाबु र छोरीको पवित्र मायालाई पर्दामा उतारेका छन् । भिडियोमा शिशिर खातीको कोरियोग्राफी रहेको छ ।
सान्भी इन्टरटेनमेन्ट प्रालिको ब्यानरमा निर्माण भएको ‘रङ्गी’मा सुरेश न्यौपानेको निर्देशन छ । सक्षम सुवेदी, करिश्मा केसी बस्नेत र अनिश गौतमले निर्माण गरेका हुन् ।
यसमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, र विशाल पहारीलगायतका कलाकारहरूको अभिनय छ ।
गीत:
