काठमाडौं – निर्माता छवि ओझाको सफल चलचित्र ‘मंगलम’को दोस्रो भाग ‘मंगलम २’ निर्माण हुने भएको छ । २०७४ सालमा प्रदर्शनमा आएको ‘मंगलम’ले दर्शकको मन जितेपछि यसको दोस्रो भागको प्रतीक्षामा रहेका दर्शकहरूका लागि यो खुसीको खबर हो ।
छविराज ओझा र दिजेन्द्र शाक्यको निर्माण रहने यस चलचित्रको निर्देशन नवल नेपालले गर्ने भएका छन् । आइतबार निर्माता ओझाले निर्देशक नेपाललाई ‘मंगलम २’का लागि अनुबन्ध गरेका छन् । नवलले यसअघि पनि छविराज प्रोडक्सन र गुण सिनेमाको ब्यानरमा बनेको ‘मंगलम’सहित ‘लज्जा’ र चलचित्र निर्देशन गरिसकेका छन् ।
चलचित्रका कलाकार र प्राविधिक टोलीबारे भने केही समयपछि मात्र औपचारिक जानकारी सार्वजनिक गरिने बताइएको छ ।
‘मंगलम’को गीत ‘पर्ख पर्ख मायालु’ अहिले पनि दर्शकको मनमा बसेको छ ।
