काठमाडौं – आगामी फागुन १४ गतेबाट प्रदर्शन हुने चलचित्र ‘मायावी’को दोस्रो गीत ‘टल टल टल्कियो’ सार्वजनिक भएको छ । यो गीतमा अभिनेता पल शाहले प्रस्तुत गरेको भावनात्मक भूमिकाले दर्शकलाई प्रभावित पारेको छ।
सार्वजनिक भिडियोमा नायिका दीपिका प्रसाईँको अर्कैसँग इन्गेजमेन्ट भएपछि शाहको मनभित्रको पीडालाई मार्मिक ढङ्गले उतारिएको छ । गीतको शब्द, सङ्गीत र कोरियोग्राफीले भिडियोलाई अझै आकर्षक बनाएको छ ।
एसडी योगी र रेश्मा पुनको स्वर, एसडी योगीकै सङ्गीत, राम अविरलको शब्द र कविराज गहतराजको कोरियोग्राफी रहेको छ । भिडियोमा पल शाहसँगै दीपिका प्रसाईँ, सुशील सिटौला, करिश्मा श्रेष्ठ लगायतका कलाकारहरूको अभिनय रहेको छ ।
दिवाकर भट्टराईको लेखन तथा निर्देशनमा बनेको यो चलचित्रमा ध्रुव न्यौपाने, राज कटुवाल र चन्द्र पन्त निर्माताको रूपमा छन् । चलचित्रमा पल र दीपिकाको साथमा सुशील सिटौला, करिश्मा श्रेष्ठ, नव–कलाकार समीम खान लगायतका धेरै कलाकारहरूको अभिनय छ ।
भिडियो: