काठमाडौं – लोकप्रिय गीतकार अनिल खनालको नयाँ गीत ‘बिनास्वादै’ सार्वजनिक भएको छ । विभिन्न विधामा कलम चलाउँदै आएका खनालको यो नयाँ गीतले सङ्गीतप्रेमीहरूलाई मनोरञ्जन दिने अपेक्षा गरिएको छ ।
रामचन्द्र चन्दको सङ्गीत र स्वर रहेको यस गीतलाई गोविन्द अनेकले एरेन्ज गरेका हुन् । शब्द सज्जामा खनालको आफ्नै शैली झल्किएको छ भने सङ्गीतले गीतलाई अझै आकर्षक बनाएको छ ।
निर्देशक राज केसीको निर्देशनमा तयार पारिएको यस भिडियोमा रामचन्द्र चन्दसहित संरचना ठकुरी, रञ्जु ठकुरी, दूर्गा प्रसाद खरेल, प्रकाश बास्कोटा, सङ्गीता बास्कोटा, श्याम बास्कोटा लगायतका कलाकारहरूको अभिनय रहेको छ ।
‘बिनास्वादै’ गीतलाई रामचन्द्र चन्दको आधिकारिक युट्युब च्यानलमार्फत सार्वजनिक गरिएको हो ।
भिडियो: