काठमाडौं – फागुन २ गते रिलिज हुन लागेको नेपाली चलचित्र ‘दुखी आत्मा’ले आफ्नो टिजर सार्वजनिक गरेसँगै दर्शकमा निकै चासो जगाएको छ । दीपेन्द्र लामाको लेखन तथा निर्देशनमा बनेको यो चलचित्रमा दयाहाङ राई र आँचल शर्माको मुख्य भूमिका छ ।
टिजरमा दयाहाङलाई रोमान्टिक र पीडित दुवै अवतारमा देख्न सकिन्छ । अर्कोतर्फ, आँचल शर्माले बोल्ड अभिनय गरेकी छिन् भने उनका द्वीअर्थी संवादहरू छन् ।
यस चलचित्रमा अनुप विक्रम शाही, बुद्धि तामाङ, रेअर राई, पुष्कर गुरुङ, कविता आले, लोकेन्द्र लेखक, आरती आचार्य, आशान्त शर्मा, दिया मास्के, लुनिभा तुलाधर, शिशिर बाङ्देल लगायतका कलाकारहरूको पनि अभिनय रहेको छ ।
हिमाल कडरियाको लगानी रहेको यस चलचित्रलाई क्लक वर्क क्रियशनले निर्माण गरेको हो । आलोक शुक्लाको छायाङ्कन र निमेष श्रेष्ठको सम्पादन रहेको यो चलचित्र प्रेम दिवसको अवसर पारेर रिलिज हुँदैछ ।
टिजरः