काठमाडौं – ‘पूर्ण बहादुरको सारङ्गी’ फेम्ड निर्देशक सरोज पौडेलको नयाँ चलचित्र ‘कोशेढुंगा’ निर्माणको घोषणा गरेका छन् । घोषणासँगै चलचित्रको थिम पोस्टर सार्वजनिक गरिएको छ ।
पोस्टरमा घुरमैलो बिहानीको पृष्ठभूमिमा पहाडलाई हेरिरहेकी एक महिलालाई देखाइएको छ । यसले पहाडी जीवनको कठिनता, सपना र सङ्घर्षलाई उजागर गर्ने सङ्केत गर्दछ ।
निर्देशक पौडेलका अनुसार ‘कोशेढुंगा’ एक सोसल ड्रामा हो । यसले पहाडी जीवनमा हुने अभाव, अग्लो सपना र सङ्घर्षको कथा बोल्नेछ । यद्यपि, चलचित्रको कथावस्तु र कलाकारबारे विस्तृत जानकारी भने अझै सार्वजनिक गरिएको छैन ।
यो चलचित्रमा हरि महत र प्रेबिल कँडेल निर्माता रहेका छन् भने दिनेश खड्का कार्यकारी निर्माता हुन् ।
‘पूर्ण बहादुरको सारङ्गी’ले नेपाली चलचित्र उद्योगमा सबैभन्दा धेरै कमाउने चलचित्रको कीर्तिमान बनाएको छ ।