काठमाडौं – नेपाली चलचित्र क्षेत्रमा प्रेमकथाका फिल्महरूको खोजी चलिरहेका बेला चलचित्र ‘मायावी’को नयाँ गीत ‘त्यो माया हो’ सार्वजनिक भएको छ । पल शाह र दीपिका प्रसाईँको मुख्य भूमिका रहेको यो चलचित्रले प्रेमको परिभाषा प्रस्तुत गरेको छ ।
फागुन १४ गते रिलिज हुन लागेको यो चलचित्रको पहिलो गीत सार्वजनिक भएसँगै दर्शकमा निकै उत्साह छाउने विश्वास गरिएको छ । सफ्ट शैलीको यो रोमान्टिक गीतमा पल र दीपिकाले प्रेमको भावनालाई निकै मार्मिक ढङ्गले अभिव्यक्त गरेका छन् । एसडी योगी र सदीक्षा कट्टेलको स्वर, राम अविरल बिस्टको शब्द र एसडी योगीकै सङ्गीत रहेको छ । यसमा कविराज गहतराजको कोरियोग्राफी रहेको छ भने राजु विक्रम थापाको छायाङ्कन र मिलन श्रेष्ठको सम्पादन रहेको छ ।
यो चलचित्र दिवाकर भट्टराईको कथा, लेखन र निर्देशन बनेको छ । पल र दीपिकाको साथमा प्रशान्त ताम्राकार, सुशिल सिटौला, करिश्मा श्रेष्ठ लगायतका कलाकारहरूको अभिनय रहेको छ । निर्देशक भट्टराई को विश्वासअनुसार, ‘मायावी’ ले प्रेम र मित्रताको आभास दर्शकलाई दिनेछ ।
गीत: