निशाका लागि सुमन आगोमा जल्ने

ठुलोपर्दा डटकम, काठमाण्डौ ।
चलचित्र निर्देशक बसन्त निरौलाले म्युजिक भिडियो निर्देशन गरेका छन् । उनले नायक सुमन सिंह र निशा लामालाई भिडियोमा प्ले गराएका छन् । चपली हाइटमा छायांकन भएको भिडियो गायक उजन नेम्बाङको चौथो एल्बम ‘तस्बिर’मा समावेश ‘तिमीलाई खुशी मिल्छ’ बोलको गीतको हो ।

भिडियोमा सुमनले निशाका लागि आगोमा जल्ने कुरा गरेका छन् । यो गीतको भिडियो एक महिनापछि सार्वजनिक गरिने गायक नेम्वाङ्ले बताए । रोशन लामाको संगीत तथा गायक स्वयंका शब्दमा रहेको यो गीतको भिडियोलाई रामेश्वर कार्कीले खिचेका छन् ।