काठमाडौं – सान्भी इन्टरटेनमेन्ट प्रालिको ब्यानरमा निर्माण भएको चलचित्र‘रङ्गी’ को टिजर सार्वजनिक भएको छ । अभिनेता सलोन बस्नेत प्रस्तुत कर्ता रहेको यो चलचित्रको टिजरले बाबु छोरीको प्रेम, सङ्घर्ष र बलिदानलाई मार्मिक ढङ्गले चित्रण गरेको छ ।
टिजरमा सलोन बस्नेत र बाल कलाकार आयुषी ढकालबीचको भावनात्मक बन्धन राखी दर्शकलाई भावुक बनाउने कोसिस गरिएको छ । फुड डेलिभरी ब्वाईको रूपमा सलोनले छोरीको लागि गरेको सङ्घर्षले मन छुन्छ । टिजरमा देखाइएका कारुणिक दृश्यहरूले फिल्मप्रति दर्शकको उत्सुकता बढाएको छ ।
यसमा पूर्व मिस नेपाल नम्रता श्रेष्ठले पनि महत्त्वपूर्ण भूमिका निभाएकी छिन् । उनको सलोनसँगको निकटताले कथामा थप रोचकता थपेको छ ।
टिजरः