काठमाडौं – नेपाल प्रिमियर लिग (एनपीएल)मा कर्णाली याक्सबाट खेली ‘इमर्जिङ प्लेयर’को पुरस्कार प्राप्त गरेका विपिन शर्मालाई स्मार्टफोन (आइफोन) उपहार दिएकी छन् । कर्णाली याक्सकी प्रवर्धन दूत रहेकी खड्काले एक नोटसहित स्मार्टफोन प्रदान गरेको विपिनले सामाजिक सञ्जालमा शेयर गरेको पोस्टबाट जानाकरी दिएका छन् ।
नोटमा खड्काले विपिनको कडा परिश्रम र समर्पणको प्रशंसा गर्दै उनको उज्ज्वल भविष्यको कामना गरेकी छन् । “एनपीएलमा तिम्रो यो अविश्वसनीय सफलताप्रति बधाई छ । यो फोन तिम्रो कडा परिश्रम र समर्पणको लागि प्रशंसाको सानो प्रतीक हो । यसले तिम्रो जीवन र मैदानमा दुबैतिर अनगिन्ती राम्रो कलहरू ल्याउन सकोस् । तिमीले उत्कृष्ट अवसरहरू पाउन सकोस् भन्ने शुभकामना,” खड्काको नोटमामा लेखिएको छ ।
विपिन शर्माले एनपीएलमा कर्णालीका लागि १३ विकेट लिँदै टिमको सफलतामा महत्त्वपूर्ण भूमिका खेलेका थिए । आफ्नो टिमको हरेक खेलमा टीयू क्रिकेट ग्राउन्डमा उपस्थित भएर खड्काले खेलाडीहरूलाई निरन्तर हौसला दिँदै आएकी थिइन् ।