काठमाडौं – निर्देशक दिवाकर भट्टराईको महत्त्वाकाङ्क्षी चलचित्र “नरसिंहाः अवतार” आगामी चैत्र २९ गतेबाट देशभरका सिनेमा हलमा रिलिज हुने भएको छ ।
यो चलचित्रले महानायक राजेश हमाललाई ८ वर्षपछि पुनः ठुलो पर्दामा फर्काउने छ । हमालको कमब्याकले नेपाली फिल्म क्षेत्रमा निकै चर्चा बटुलेको छ । फिल्ममा उनको भूमिकाले दर्शकलाई उत्साहित बनाएको छ ।
‘नरसिंहाः अवतार’मा राजेश हमालसँगै राज कटुवाल, नीति शाह, शनिसा भट्टराई, प्रशान्त ताम्राकार लगायतका कलाकारहरूको प्रमुख अभिनय रहेको छ । यसका साथै, नीर शाह, सरोज खनाल, राजीव मानन्धर, सुशान्त श्रेष्ठ, उषा खड्गी, राजीव जङ्ग बस्नेत, प्रकाश कुँवर, अमित गिरी, रमेश सोडारी, सरोज शाह, अमित श्रेष्ठ जस्ता कलाकारहरूको पनि अभिनय रहेको छ ।
यसमा नेम महर्जन, दीपक शर्मा ढकाल, ध्रुव न्यौपाने र नरेन्द्र महर्जनको लगानी रहेको छ ।