काठमाडौं – बाल कलाकार सम्राट दाहाल अभिनीत नयाँ गीत ‘अस्ति भन्दा हिजो’ ले दर्शकको मन जितेको छ । सम्राट क्रिएसनको युट्युब च्यानलबाट सार्वजनिक गरिएको यो गीतमा सम्राटले आफ्नै उमेरका किशोर किशोरीको भावनालाई मार्मिक ढङ्गले अभिव्यक्त गरेका छन् ।
१४ वर्षीय सम्राटको यो १४ औँ भिडियो हो । पाँच वर्षको उमेरदेखि नै अभिनय यात्रा सुरु गरेका सम्राटले यसअघि पनि धेरै सफल भिडियोहरूमा अभिनय गरिसकेका छन् ।
गीतकार सुमन दाहालले लेखेको यो गीतले बाल्यकालबाट किशोरावस्थामा प्रवेश गर्ने क्रममा आउने शारीरिक तथा मानसिक परिवर्तन र त्यसले जीवनमा ल्याउने कौतुहलतालाई मार्मिक ढङ्गले चित्रण गरेको छ । गीतका शब्दहरू निकै सान्दर्भिक छन् भने संगीतकार दीपक शर्माले दिएको संगीतले गीतलाई अझै प्रभावकारी बनाएको छ । नेपाल आइडल सिजन ५ का विजेता करण परियारको स्वरले गीतलाई थप चमक दिएको छ ।
गीतको भिडियो अमेरिकाको केन्टकी राज्यका विभिन्न रमणीय स्थानमा छायाङ्कन गरिएको छ । निर्देशक सुमन दाहालले गीतको मर्मअनुसार भिडियोलाई विभिन्न समयमा छायाङ्कन गरेर अत्यन्तै आकर्षक बनाएका छन् ।
सम्राटको यो भिडियोले हाल दर्शकबाट निकै राम्रो प्रतिक्रिया पाएको छ । सम्राटको अभिनय, गीतको शब्द, सङ्गीत र भिडियोको दृश्यले दर्शकलाई भावुक बनाएको छ ।
गीत: