काठमाडौं – मनोजकुमार अधिकारीद्वारा निर्मित नेपाली चलचित्र ‘फिरफिरे फिरिरी’को नयाँ गीत ‘अलमल जिन्दगी’ सार्वजनिक गरिएको छ । प्रशान्त सिवाकोटीको स्वर, शब्द र सङ्गीत रहेको यो गीत चलचित्रको स्याड भर्सन हो ।
आगामी माघ ४ गतेदेखि प्रदर्शनमा आउन लागेको यो चलचित्रले हरर र कमेडीको अनौठो मिश्रण प्रस्तुत गर्ने अपेक्षा गरिएको छ । बिन्दबासिनी क्रियसनको ब्यानरमा निर्माण गरिएको यो चलचित्रले पछिल्लो समय विश्वभर लोकप्रिय बन्दै गएको हरर कमेडी श्रेणीमा नेपाली दर्शकलाई पनि अवसर दिनेछ ।
चलचित्रमा सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन् भने मनोजकुमार अधिकारी, रबिना केसी, पुष्प अवस्थी, सूर्यमान लिम्बु जस्ता अनुभवी कलाकारको अभिनय रहेको छ। नवीन भट्टले निर्देशन गरेको यो चलचित्र उनको निर्देशनमा डेब्यु हो ।
‘पूर्ण बहादुरको सारङ्गी’ जस्ता चर्चित गीतका सङ्गीतकार प्रशान्त सिवाकोटीको सङ्गीत रहेको यो चलचित्रमा रिजोल पोखरेलको सङ्गीत संयोजन छ । यसका साथै, जितु तामाङको छायाङ्कन, केशव राज भट्टको कोरियोग्राफी, एलिस कार्कीको ब्याकराउण्ड म्युजिक, अमित श्रेष्ठको साउन्ड डिजाइन, अनन्त घिमिरेको सम्पादन तथा कलर संयोजन जस्ता प्राविधिक पक्षले चलचित्रलाई अझ आकर्षक बनाउने विश्वास लिइएको छ ।
गीत: