आमिर खानको ‘महाभारत’ सपना

बलिउडका चर्चित अभिनेता आमिर खानले आफ्नो महत्त्वाकाङ्क्षी चलचित्र ‘महाभारत’ लाई लिएर आफ्नो चिन्ता व्यक्त गरेका छन् । उनले बीबीसीसँगको कुराकानीमा यो परियोजना निकै चुनौतीपूर्ण रहेको र यसलाई सफल बनाउनका लागि धेरै मेहनत गर्नुपर्ने बताएका छन् ।

आमिरले भने, “महाभारत मेरो सपनाको परियोजना हो, तर यो निकै डरलाग्दो पनि छ । यो एक विशाल कथा हो र यसलाई पर्दामा उतार्न धेरै चुनौतीहरू छन् । भारतीय हुनुको नाताले यो कथा हाम्रो रगतमा बसेको छ, त्यसैले यसलाई सही तरिकाले प्रस्तुत गर्नुपर्ने दबाब छ । म चाहन्छु कि यो फिल्मले हरेक भारतीयलाई गर्व गराओस् र विश्वलाई भारतीय संस्कृतिको महानता देखाऊँ ।”

आमिर खान हाल आफ्नो नयाँ चलचित्र ‘लापता लेडीज’को अस्कर प्रचारमा व्यस्त छन् । यो चलचित्रलाई स्कार अवार्डका लागि भारतबाट छनोट गरिएको छ । यस सन्दर्भमा बोल्दै आमिरले भने, “यदि ‘लापता लेडीज’ले भारतका लागि ओस्कार जित्न सक्छ भने, यो हाम्रो देशका लागि ठूलो उपलब्धि हुनेछ । यसले हाम्रो सिनेमाको स्तरलाई विश्वसामु उँचो बनाउनेछ ।”

आमिरले अगाडि भने, “मलाई थाहा छैन कि हामी यो प्रतिस्पर्धामा कति टाढा पुग्न सक्छौँ, तर यो प्रयास गर्नु आफैँमा एउटा ठूलो कुरा हो । यदि हामी जित्न सक्छौँ भने, सम्पूर्ण देश उत्सव मनाउनेछ ।”

आफ्नो आगामी योजनाबारे बोल्दै आमिरले भने, “म अहिले ‘सितारे जमिन पर’ नामक फिल्मको छायाङ्कनमा व्यस्त छु । यो चलचित्र २०२५ मा रिलिज हुनेछ । यसबाहेक, म रजनीकान्त स्टारर चलचित्र ‘कुली’मा पनि एक विशेष भूमिकामा देखिनेछु ।”