काठमाडौं – गायक कर्णराज गिरी र गायिका एलिना चौहानको स्वरमा रहेको गीत ‘मनमा फूल्ने माया’ सार्वजनिक भएको छ । सन्तोष जङ्ग थापाको शब्द, मनोज डङ्गोलको सङ्गीत र एरेन्ज रहेको यो गीतले प्रेमको भावलाई सुन्दर रूपमा चित्रण गरेको छ ।
गीतको भिडियोमा राज आरएस कार्की र एलिसा न्यौपानेको अभिनय रहेको छ । सुन्दर प्राकृतिक दृश्यमा छायाङ्कन गरिएको भिडियोमा राज र एलिसाको जोडीले दर्शकको मन जित्ने प्रयास गरेका छन् ।
निराजन केसीको क्यामरा, ड्रोन, सम्पादन र कलर, अनिताको मेकअप, हेमन्त लामिछानेको कोरियोग्राफी तथा जगत रेग्मीको निर्देशनमा तयार भएको यो भिडियोले गीतलाई अझै आकर्षक बनाएको छ । गीतका प्रस्तुत कर्ता हरि शर्मा हुन् ।
भिडियो: