काठमाडौं – अमेरिकामा बसेर नेपाली संगीत क्षेत्रमा सक्रिय गायिका रानी शाक्यले नयाँ गीत ‘तिम्रो मायामा’ सार्वजनिक गरेकी छन् । प्रेममा परेकी एक युवतीको मनोभावलाई मार्मिक रूपमा चित्रण गरिएको यो गीत आकाश केएमको शब्द तथा संगीतमा तयार भएको हो ।
गीतको भिडियोमा मोडल सम्राट अधिकारी र लालना चिमरियाको रोमान्टिक जोडी रहेको छ । लालनालाई सम्राटका लागि तड्पिएको रूपमा प्रस्तुत गरिएको छ । शिशिर खत्रीको निर्देशनमा तयार भएको यो भिडियोमा प्रशान्त मगरको कोरियोग्राफी, दिनेश पराजुलीको सिनेमाटोग्राफी र दिन्सन शाहको सम्पादन रहेको छ ।
भिडियो: