काठमाडौं – मनोजकुमार अधिकारी निर्मित चलचित्र ‘फिरफिरे फिरिरी’ को नयाँ पोस्टर सार्वजनिक भएसँगै यसको प्रदर्शन मिति पनि तय भएको छ । यो चलचित्र आगामी माघ ४ गतेबाट देशभरका सिनेमा हलहरूमा प्रदर्शनमा आउने भएको छ ।
पछिल्लो समय विश्वभर हरर कमेडी फिल्महरूले राम्रो दर्शक पाएको सन्दर्भमा यस चलचित्रले पनि नेपाली दर्शकलाई मनोरञ्जन दिने अपेक्षा गरिएको छ। यसअघि ‘नौ डाँडा पारी’ र ‘मङ्गलसूत्र’ जस्ता चलचित्र निर्माण गरिसकेका अधिकारीको यो पछिल्लो प्रस्तुति हो ।
सन्दीप श्रेष्ठ र नवीन भट्टले लेखेको यस चलचित्रमा सन्दीप श्रेष्ठ र भावना उप्रेतीले नेपाली रजतपटमा डेब्यु गरिरहेका छन् । नवीन भट्टले यस चलचित्रलाई निर्देशन गरेका छन् ।
यस चलचित्रमा मनोजकुमार अधिकारीसँगै सन्दीप श्रेष्ठ, भावना उप्रेती, रबिना केसी, पुष्प अवस्थी, सूर्यमान लिम्बु लगायतका कलाकारको अभिनय रहेको छ । जितु तामाङले छायाङ्कन, रोशन दास, प्रकाश दाहाल र अग्नि सुबेदीले सहायक निर्देशन, केशव राज भट्टले कोरियोग्राफी, एलिस कार्कीले ब्याकग्राउण्ड म्युजिक, प्रशान्त सिवाकोटीले सङ्गीत, अमित श्रेष्ठले साउन्ड डिजाइन र अनन्त घिमिरेले सम्पादन तथा कलर संयोजन गरेका छन् ।